Ибараки муж нь муж дотор үйл ажиллагаа явуулж буй ААН, компанид ажиллах хүсэлтэй гадаадын иргэдэд дэмжлэг үзүүлж байна.
Ибараки муж нь Токио хотоос 30-150 км зайтай, зөөлөн дулаан уур амьсгалтай бөгөөд ажиллаж амьдрахад тааламжтай бүс нутаг гэж үнэлэгддэг. Цүкүба хотод гадаадын олон иргэд суурьшин ажиллаж амьдардаг бөгөөд олон улсын метрополитан хот болон хөгжиж байна. Хөдөө аж ахуй, загас агнуур, аж үйлдвэрийн салбарууд цэцэглэн хөгжиж байгаа бөгөөд өндөр хүчин чадалтай олон үйлдвэрүүд Ибараки мужид байрладаг.
Та ирээдүйн карьераа Ибараки мужид эхлүүлэхийг хүсч байна уу?
ҮЗҮҮЛЭХ ДЭМЖЛЭГ
БҮХ ҮЙЛЧИЛГЭЭ ҮНЭ ТӨЛБӨРГҮЙ
ХӨДӨЛМӨР ЭРХЛЭЛТИЙН ТАЛААРХ ЗӨВЛӨГӨӨ, МЭДЭЭЛЭЛ
Ибараки мужид ажиллах хүсэлтэй гадаад иргэд болон мужийн ААН, байгууллагуудад мэргэжлийн өндөр ур чадвартай зөвлөхүүд зөвлөгөө мэдээлэл өгч байна.
- Ажлын байртай холбоотой зөвлөгөө, мэдээлэл
- Оршин суух зөвшөөрлийн тухай зөвлөгөө
- Ирээдүйн карьер, ажил мэргэжлийн дэмжлэг, зөвлөгөө
- Хөдөлмөр эрхлэхтэй холбогдох хууль эрх зүйн мэргэжилтний зөвлөгөө
- Ажлын байрны өдөрлөг, сургалт семинар, танилцах дадлага зохион байгуулах, мэдээлэл өгөх
ХӨДӨЛМӨР ХАЛАМЖИЙН ҮЙЛЧИЛГЭЭНИЙ ЕРӨНХИЙ ГАЗАРТ БҮРТГЭЛТЭЙ ТУСГАЙ УР ЧАДВАРТАЙ АЖИЛТАНД ХӨДӨЛМӨР ЗУУЧЛАЛЫН ҮЙЛЧИЛГЭЭ
Ибараки муж нь Монгол Улсын Хөдөлмөр, халамжийн үйлчилгээний ерөнхий газартай хамтын ажиллагаагаар дамжуулан, тус газарт бүртгэлтэй ажил хайгч Монгол иргэдийг мужийн ажил олгогчдод зуучилдаг.
- Япон хэлний түвшин тогтоох шалгалт JFT Basic (200 онооноос доошгүй), JLPT (N4 түвшнээс доошгүй) болон ажиллах салбарын ур чадварын шалгалтад тэнцсэн иргэн, Япон Улсад Ур чадварын дадлагажигчийн 2 болон 3-р түвшинг дүүргэсэн иргэд Тусгай ур чадвартай ажилтнаар бүртгүүлэх боломжтой.
- ХХҮЕГ-т бүртгэлтэй ажил хайгчтай Ибараки муж ярилцлага хийнэ.
- Ажил хайгч иргэнд тохирох ажлын саналыг мужийн зүгээс танилцуулна.
- Ажил хайгч иргэн ажлын саналыг хүлээн авсны дараа ажил олгогчтой ажлын ярилцлага хийнэ.
- Ажлын ярилцлагад тэнцсэн иргэнд японд ирэх хүртэл, ирсний дараа дасан зохицох хүртэл зөвлөгөө мэдээлэл, дэмжлэг үзүүлнэ.
ЯПОН ХЭЛНИЙ ОНЛАЙН СУРГАЛТЫН ХӨТӨЛБӨР
Ибараки муж нь гадаад иргэдэд зориулан олон төрлийн үйл ажиллагааг санаачлан явуулж байгаагийн нэг нь Япон хэлний онлайн сургалтын систем юм. Мужийн ААН, байгууллагад ажиллах гадаад иргэний ажиллах орчин нөхцлийг бүрдүүлэхийн тулд гадаад иргэдийг япон улсад ажил хийж амьдрахад шаардагдах япон хэлний чадварыг олж эзэмшихэд туслахад чиглэсэн хөтөлбөр юм. Ибараки мужид ажиллахыг хүсч буй, ажиллаж буй гадаад иргэн хамрагдах боломжтой.
- Ухаалаг утас болон компьютер зэргээр хэзээ ч хаанаас ч суралцах боломжтой.
- JLPT Япон хэлний түвшин тогтоох шалгалт болон ажил мэргэжилтэй холбоотой япон хэлний 1200 гаруй видео хичээлтэй.
- Эхлэн суралцагчийн хувьд Монгол, англи зэрэг 8 улсын хэл дээр суралцах боломжтой.
- Өөрийн хэлний түвшнээ шалгаж зорилгоо тодорхойлох, ахиц өөрчлөлтөө хянах боломжтой. Видео хичээлээ гадна олон тооны шалгалтын материалыг байршуулсан.
- Компанийн хариуцах ажилтан нь программ ашиглаж буй ажилтны сургалтын явц, үнэлгээг хянах боломжтой.
ХЭНД ҮЙЛЧЛЭХ
- Ибараки мужид ажиллах хүсэлтэй гадаад иргэн, оюутан
- Монгол Улсын Хөдөлмөр, халамжийн үйлчилгээний ерөнхий газраас Тусгай ур чадвартай ажилтнаар бүртгүүлэхэд тавигдсан шаардлагыг хангасан ажил хайгч Монгол иргэн
Та Ибараки мужаас дэмжлэг авахыг хүсвэл манайд бүртгүүлнэ үү.
Бүртгүүлэх товчийг дарж хувийн мэдээллийн талаарх баримтлалтай танилцан зөвшөөрснөөр бүртгэл хийгдэнэ.
Бүртгүүлэх болон бүртгэлийн дараах үйлчилгээ үнэ төлбөргүй.
Бид бүртгэлийн мэдээллийг үндэслэн зөвлөгөө мэдээлэл, ажилд зуучлах мөн япон хэлний онлайн сургалтаар хангах зэрэг үйлчилгээ үзүүлнэ.
Ибараки мужийн гадаад ажилтныг дэмжих төв
Утас
(орон нутгаас) 029-239-3304
(олон улсаас）＋81-29-239-3304
Факс
(олон улсаас）＋81-29-239-3305
Хаяг
1st Floor of The Hirosawa City Kaikan Annex, 745 Ushirokawa Senba-cho, Mito City, Ibaraki Prefecture, 310-0851 JAPAN
Ажиллах цаг
Ажлын өдөр 9:00-17:00 (Монгол цагаар 8:00-16:00)
(Бямба, ням гариг, баяр ёслолын өдрүүдэд амарна)